التسجيل في حارة الملاقيف مفتوح ومجاني ، ولكي لا يتم حذفك من المنتدى اقرأ ضوابط وأنظمة التسجيل التالية:

1- الالتزام بآداب الحديث والحوار ماهو تقط الميانة وتسوي فيها انك ذيب والى اهم من كذا هو عدم التعرض للدين الإسلامي بالإساءة أو إلى أيّ من الأديان السماوية الأخرى . << تكفوون كلش ولا الدين .

2- عدم التعرض لأي شخص بالإهانة أو الإيذاء أو التشهير مو تستلمون خلق الله في الطالعة والنازلة .

3- ماتسجل عندنا ومن ثاني يوم تعزم بالمنتدى ترى العضو اللي يسوي كذا راح نحذفه دايركت بدون توقف ولايحتاج له بطاقة الفرسان .

4- الله الله بالمواضيع السنعة اتركوا النسخ والصق ولا تكركرون الموضووع عشرين مره. << لا احد يدقق فى تكركرون

5- الاقتراح والشكاوي ماحطيناه الا عشان راحتكم يعني مشرف مخربها عضو مزفتها واحد قااطها ترقيم على البنات تراسلون الادارة ,,, واذا الادارة ماحلت المشكله راح نراسل المنظمه الدولية لحقوق الانسان .<< كثر منها

6- ولاتنسون بعد أن حمل الأسلحـــه داخل المنتدى بدون اخذ تصريح من الادارة هذي فيها توقيف مؤبد < < اهم شرط (امحق شرط).

7- مشـاركـاتك توصل مليونيــن وستطعشر ألف مشاركه مشكلتك ماهيب مشكلتــي محدن ضربك على يدك وقااالك شاارك اللي أبي أوضحه لكم أن الأشراف عندنا ماهوب على التعداد الجذري للمشاركات لا لا ترآك فاهم غلط حنـآ نعطي الأشراف للي فآهم بنفس القسم وبنفس الوقت مآيفقده كيـآنه بالأهمـآل .<< ركز على كيانه ههههـهه

8- ماتجي تقول لي والله المشرف الفلاني حذف موضوعي متعمد , ابيك تعرف إن إدارة حارة الملاقيف الموقرة لها كامل الصلاحيات في الحذف والنقل والتعديل إذا لزم الأمر.

9- إذا تبي تحط توقيع لك ما تحط لي خشتك رازها عشان يعجبن فيك السحالي لا ذا ممنوع حط لك توقيع رومناصي يمشي الوضع ولا تكبره تخلية مثل صك الوفاه من اول المنتدى لين تالية حاول تخليه متناسب شوي .

10-انتبه لا تجيني مطفي النور وتحط لي بروكسيات ولا حاجات ممنوعة ترى ذي ممنوعة في الحارة واعرف ان موضووعك محذوف ولا تسجل باسم عوائل او قبائل ولا تحط لي ايميلك ولا رقم جولك حنا في ذا الحاله نحذفك من المنتدى او نغير لك اسمك .

11- ممنوع مطارده عمال البلدية لما يجون ياخذون الزباله (تكرمون) من الحارة وعدم رميهم بالحجاره .

::لــفــتهـ أبويهـ::

الزبدهـ من هالكلآم حبـآيبــي ,, أننـــآ نبي نــوصــل لهــدف مـ ع ـين من هالمنتدى كثرة المنتديـآت وكثرة المواضيع وكثروآ الأعضاء وصارت المنتديات زيها زي البنغال بالسعودية ^_^
فمــن بـآب التغيير والتميـز حبينـآ ننفـرد لنـآ بشغله وهي مقصدنـآ من هالحارة .

مع تحيات الادارة الموقرة :

عظـ الشوق ـيمـ (يعنني كشخهـ)
 

شموخ إنسان (مدير متقاعد)
 

لـوُعـة آلـغـُـرْبـهـ (مدير مبزوط)